🎉 استعدوا لأول مخيم صيفي للأطفال من MSCCA | Nile to Maple

*💥☀️🎉 استعدوا لأول مخيم صيفي للأطفال من (MSCCA : (Nile to Maple💥☀️*🎉

أعزاءنا الآباء والأمهات،،،

ما زال باب التسجيل مفتوح لأول مخيم صيفي للأطفال بتنظيم MSCCA باسم “من النيل للميبيل” مصمّم خصيصاً عشان يقدم لي أولادنا مزيج جميل بين التعرف على الثقافه السودانيه ممزوجة بمهارات الحياة المهمة، والمتعة التي لا تنسي .

عارفين إنو عندكم أسئلة كتيرة، عشان كدا جاهزين نديكم كل التفاصيل البي تخليكم متحمسين اكتر مننا،،،
عشان اولادنا يستمتعوا بالتجربه دي.

****************

🌞 تفاصيل المخيم :-
✅ التاريخ: من الاثنين 14 يوليو لحدي الجمعه 25 يوليو 2025 .

✅ الزمن: من 9 صباحاً لحدي 2:30 ظهراً يومياً

✅ المكان: Iceland Arena, 705 Matheson Blvd, East (ميسيساغا)
✅ الأعمار: من 6 لحد 15 سنة

✅ الرسوم:
$120 الأسبوع الاول
$ 80 الأسبوع الثاني

سيتم التسجيل لرحلة✅
Royal Ontario Museum بشكل منفصل للراغبين بما فيهم الاطفال غير المسجلين في المخيم الصيفي

✅ التسجيل: عبر Eventbrite
https://www.eventbrite.ca/e/mscca-1st-summer-camp-nile-to-maple-registration-1440013612479?aff=oddtdtcreator
****************

🎯 شنو المميز في مخيم “من النيل للميبيل”؟
مخيمنا حيكون غني ومتنوّع، وبيركز على تطوير الطفل من كل الجوانب:
• استكشاف ثقافي:
زي فقرة “تراثي السوداني”، وألعاب سودانية، والتعرف على أكلات سودانية صحية.
• مهارات حياة أساسية:
زي التوعية المالية، فن الخطابة، مهارات الحياة العامة، والصحة النفسية.
• أنشطة إبداعية مصاحبه:
موسيقى، فنون وأشغال يدوية ،،عصف زهني عن الوعي والمسئولية المجتمعية..
• وختامه مسك:
-رحلة للـ ROM (متحف أونتاريو الملكي)!
واليوم الكبير الختامي ( بتم فيهو عرض مخرجات المخيم وعكس الاتعلموهو في فتر ه دي
The out come،،
نفرح فيهو بمجهودهم ،،
ونعكس فيهو الاستفاده القصوي من المخيم الصيفي.

****************

🤔 أسئلتكم المهمة وأجوبتها بالتفصيل:

1️⃣ البرنامج اليومي / المناهج:
اليوم في المخيم حيكون مليان حركة وفائده،
مثال ليوم من ايام المخيم :
• 9:00 - 9:30: استقبال ونشاط صباحي خفي (نشيد العلم)
• 9:30 - 10:30: ورشة أولى (زي التوعية المالية / الخطابة)
• 10:30 - 10:45: استراحة سناك (أرسلوا معاهم سناك بدون مكسرات)
• 10:45 - 11:45: نشاط ثقافي (ألعاب سودانية / نقاش عن التراث)
• 11:45 - 12:45: استراحة غداء (برضو بدون مكسرات)
• 12:45 - 1:45: فقرة إبداعية (أشغال يدوية / موسيقى)
• 1:45 - 2:15: مهارات حياة /وصحة نفسية
• 2:15 - 2:30: ختام :مراجعة مخرجات اليوم والاستعداد لليوم التالي وتسليم الأطفال لاهاليهم.

🔖 الرحلة للـ ROM: يوم الأربعاء 23 يوليو، حنطلع من Iceland Arena الساعة 9 ونرجع 2:30، النقل والتذاكر كلّو شامل.
…………….
واليوم الأخير مفاجئتنا
بتخريجهم🎓🎓🎓 .

****************

2️⃣ الطاقم والإشراف:
سلامة أطفالكم وتجربتهم الممتعة هي أهم أولوياتنا.
• طاقمنا مكوّن من ناس غنيين عن التعريف ،،، عندهم خبرة في مجالهم ومع الأطفال، معلمين، موجهين، وقيادات مجتمعية.
Let's do a quick round up of our kind instructors :

1. Samer Hassan- My heritage .

2. Suha Khairy and Sara Basil- Arts & Crafts

3. Salma Abdelsattar ⁩ - Sudanese Cuisine

4. Muhanad Mukashfi - Financial Literacy

5. Alaa Ahmed⁩ - Public Speaking

6. Rehab Khalifa ⁩ - Mental Health

7. Muhab Sabir - Sudanese Games

8. Waleed Abdelhamid - Music•

نسبة إشراف عاليه:

• منهم المدرّب على الإسعافات الأولية والـ CPR، وكمان عاملين فحص خلفيات (Vulnerable Sector Checks).
• بندير السلوك بمحبة وتفهّم، وبيهمنا بناء بيئة إيجابية.متحابه ،، ومنتجه.

****************

3️⃣ السلامة والترتيبات:
• التوصيل والاستلام: عند مدخل Iceland Arena، وحنكون واقفين نستقبلهم ونسلّمهم لي الشخص المسجل اسمو، وبنطلب إثبات الهوية.
• الأكل والسناكات: رجاءً أرسلوا معاهم غداء وسناكين بدون مكسرات. ما في تبريد أو تسخين للأكل، فرجاء جهزوا الأكل المناسب.
• الطوارئ الطبية: أي حالة طارئة فريقنا مؤهل يتصرف فوراً، ولو احتاج الأمر بنتصل بيكم فوراً أو 911. تأكدوا معلومات الطفل الطبية واتصالات الطوارئ محدثة وقت في فورم التسجيل.
• الأمان: المكان مؤمّن، وفي الرحلة حيلبسوا بطاقات تعريفية ويتحركوا بنظام مجموعات تحت اشراف الطاقم المسئول ..

****************

4️⃣ تفاصيل الأنشطة:
• تراثي / ألعاب سودانية / أكلات سودانية: حنتكلم عن التاريخ والجغرافيا السودانيه ،، العاب سودانيه زي شد الحبل والشبكة، و نجهز اكلة سودانيه، مع مشروب سوداني.
• التوعية المالية: دروس مبسطة عن التوفير والصرف والخيارات الذكية للاموال.
• فن الخطابه: تمارين ومهارات عشان يتعلموا يتكلموا بثقة ويقدموا انفسهم.
• مهارات حياة: التفكير السليم في حل المشكلات، العمل الجماعي، والتواصل مع الآخرين .
• الصحة النفسية: كيف يدركوا مشاعرهم ويتعرفوا عليها، ومعاها تمارين استرخاء.
• الوعي المجتمعي: عن البيئة والمواطنة الفرديه والمجتمعية..
• الفنون والموسيقى: رسم، تلوين، كولاج، وتجارب مع إيقاعات وأغاني.

****************

5️⃣ شنو داخل وما داخل في الرسوم:
✅ شامل: الـ $120 للأسبوع الاول، بتغطي كل من ايجار المكان ،،الأنشطة الموسيقيه ،،الخامات والادوات للفنون وغيرها ،،و حفل التخريج في اليوم الختامي.

🚫 ما شامل: الغداء والسناكات.

****************

6️⃣ التسجيل عبر Eventbrite:
التسجيل ساهل وسريع. اضغطوا على الرابط، وسجّلوا بيانات طفلكم، الأعمار، معلومات طبية، وأرقام الطواري.]

📝 سياسة عدم الاسترداد: لأنو بنخطط الطاقم والمستلزمات بناءً على التسجيل المؤكد. بنقدّر فهمكم ودعمكم.

****************

✨ متحمسين شديد نقدم لي أولادنا تجربة مختلفة، تخلّيهم فخورين بثقافتهم وأصولهم ، يتعلموا مهارات مهمة، ويطلعوا بذكريات جميلة💕

لو عندكم أي سؤال اضافي ما تترددوا تتواصلوا معانا في أي وقت.

تحياتنا،
فريق Summer Camp 2025 MSCCA